O PEN-Preis awela dino kaj i Rosa Gitta Martl
April 10th, 2019 | Published in Ehrungen & Nachrufe, Literatur & Bücher
O „Roma-Literaturpreis kathar o becicko PEN ando gindo pe i Ceija Stojka“ awela dino ka i Frau Rosa Gitta Martl, po 10. Apriliushi 2019, 11:00 ando Presseclub Concordia, Bankgasse 8, 1010 Wien, ande jekh zigno festo.
Kodo Preiso si symbolicno rekognacija: I flogoreskeri grupa le Romani taj Sintengi sas mudarde kathar o NS-Regimo taj kodola so trajinas taj lenge unokura nas rekognacija sar marde taj viktimura kathar o Holocaust. Vi akana, adjes e Rom taj es Sinti ikke trajin andi diskriminacija ande bute tema andi Europa.
O Austrijako PEN akana kerdas kodi rekognacija trival dji akana te saj sikhaven pengo respekto taj najsarimo le Romenge taj e Sintenge pala lengi participación andi europeaki kultura, taj te das lenge zor te dikhen pala lengi kultura, lenge shiba taj lenge tradiciji.
Kodo bersh o PEN-Preis awela dino kaj i Rosa Gitta Martl. Voj si o shavoro kthar dui Sinti so trajinde pala Ravensbrück taj Sachsenhausen. Voj gerdjili 1946 ando Linzo. Akana laki nevi genva avilas avri: „Bleib stark“ (ash zuralo) andi „edition pen“ ando Löcker-Verlag ando Beci. I Rosa Gitta Martl sas initiatori taj bute bershenza i raji Katar i organisacija „Ketani für Sinti und Roma“ ando linzo. Laki artistiko buci sas bildi taj ramosarde textura. Pala laki bari buci le Romange taj es Sintenge voj kapindas o Elfriede-Grünberg-Preis, o Marianne-von-Willemer-Preis, o Preiso la demokracijako kathar i Margaretha-Lupac-Stiftung taj 2013 o somnakuno Verdienstzeichen kathar i republika Austria.
O skiratori Peter Paul Wiplinger taj o Ludwig Laher sas o organisatora taj initiatoria kahar kodo preiso taj losarde i Rosa Gita Martl ande kado bersh.