Ceija Stojka: Artschijipeskero pradi­pe an­do Pra­di­mo Kher Erba an­do 4. feberi 2016, 19:00 oren­ge.

O artschijipe pativ del le barikane verkenge la kinstler­ki­ja­tar Ceija Stojka, savi dschi use lake­ro muli­pe ando je­neri 2013 gejng o pobis­te­ripe le geno­ci­distar le Ro­men­ge taj Sinti­jenge taj gejng i diskri­mi­na­cija pe ande be­schar­tscha.

I Ceija Stojka 1933 ojs jek le schov tschavendar jeka Lovara fami­li­jatar ando Schtacko upro them ali. Telal o NS-re­schim, na dur angle lakero desch­to bersch, kada upro them ali, ando loge­ri Auschwitz ledschim li uli, akor ando lo­geri Ravensbrück taj pa­loda Bergen-Belsen, kaj oj pra daja­ha taj pra phe­njaha retim uli. Ando masch­ka­ripe le 80te berschen­dar i Ceija Stojka khetan pre phra­leha ojs erschti dsche­ne andi Austrija, o na phu­kajipe pedar o tra­dipe le Romen­dar taj Sinti­jen­dar ando nacijo­nal­soci­ja­lis­mus taj i diskri­mi­na­cija andi dujti republika, phagle. Oj le ter­dschivde ko­jenge alava taj te feschti­ni­pes­kere ardschu­mi­pes­kere koji lakla. I kinstler­kija lakeri bibas­tali cajt, savi oj ter­dschiv­tscha, ande feschtime kipi fa­butscha­lin­tscha, save ham mindig meg o bibas­talo tra­dipe sikan.

Ande vodinipeskere alava: Erich Schneller
Pradipe: BR Inge Posch-Gruska

Pradimo Kher Erba (OHO), Lisztgasse 12, 7400 Erba. Pradipeskere cajtscha: he. – parasch. 8:00 – 14:00 orenge vaj pal harangoskero arkeripe telal 03352/38555 OHO. Link: http://www.vhs-roma.eu

(volksgruppen.orf.at)

Tweet