Forschinipe usi muschika
Januar 25th, 2016 | Published in Musik, Radio, Podcast & TV, Wissenschaft
Roma sam
Radijo Burgenland: 4.1.2016 | (on demand)
I Ursula Hemetek muschikakeri visenschoft upro instituto la muschikakera visenschoftatar upri universiteta Betschi schtudierintscha, kaj oj 1987 promovirintscha. Ando glajchi bersch, le Walter Deutschistar ojs projektoskeri butschaschikija upro instituto le flogoskere muschikakere forschinipeske akardi li uli. 2001 lakeri habilitacijona andi etno muschikakeri logija upri universiteta Betschi usi muschika le etnischi taj religijonakere tschulipendar andi Austrija uschtidija.
La Hemetekakero centrali forschinipeskero than i muschika le tschulipendar hi. Oj igen sorale le terdschojipeske la fochiskera riktschatar ando internacijonali etno muschikakero diskurs, ande pe beschartscha. I Ursula Hemetek usi muschika le tschulipendar andi Austrija forschinen, butvar i muschika le Romendar, le burgenlanditike horvackendar taj le bosnitikendar ande Betschi. Ada dikipe te ande pri siklipeskeri buti ande bescharel. Oj o tschulipengero pharipeskero gendo upro instituto le flogoskere muschikakere forschinipestar taj la etno muschikakera logijatar kertscha taj upre buteder austritike universitetscha use lakeri tema, sikal. Sajt 2011 i Ursula Hemetek o schero le institutostar le flogoskere muschikakere forschinipestar taj la etno muschikakera logijatar upri universiteta la muschikatar taj la sikadipeskera kunstatar Betschi hi. Oj and dikiptscha ando pharipeskere gende lakera forschinipeskera butjatar del. Buteder pedar, schunen tumen andi sendung „Roma sam“ upro Radijo Burgenland.