Farajn KARIKA – Le Romenge taj Sintijenge
Dezember 10th, 2013 | Published in Einrichtungen, Radio, Podcast & TV
Roma sam
Radijo Burgenland: 9.12.2013 (on demand)
O farajn KARIKA – Le Romenge taj Sintijenge ando novemberi 2013 Erbate kerdo ulo. Ov jek than le donde bescharipeske taj khetan peripeske maschkar o Roma taj o gadsche te ol.
Trin themengero-koncepto — O koncepto le neve kerde farajnistar ande trin thema ulado hi, phenel o schero, Paul Horvath. Odo hi o them la integracijakera butjatar, o butjakero them taj o kulturakero them, afka o Horvath bajder. Anglevakeripenca taj workshopenca i diskriminacija gejng i Romengeri flogoskeri grupn tel baunim te ol. Mindenfelitike projektenca i nabutschalinipeskeri kvota le flogoskere dschenendar tschuleder te ol taj mindenfelitike mulatintschagenca, i kultura le Romendar upre likerdi te ol taj le avre dschenenge bajder dim li te ol.
20 berscha aunprindscharipe — „Ando 20 berscha, ande save o Roma ojs flogoskeri grupn aun prindscharde ule, but kertscha pe“, phenel o Paul Horvath. Schpecijeli ando siklipeskero than taj afka, khetan phandlo te ando butjakero them. Ando khetanipe ham meg mindig duj riktscha del. Ando birovtschage o Roma feder aun lim on. Ando gaveskero khetanipe ham meg mindig i diskriminacija esbe te lel hi, phenel o Horvath. Buteder pedar o nevo farajn KARIKA taj pedar o jeriniptscha ando lejcti 20 berscha, schunen tumen andi sendung „Roma sam“ upro Radijo Burgenland.
