Radijo: Jek tschatscho Betschitiko Rom
Mai 24th, 2009 | Published in Geschichte & Gedenken, Radio, Podcast & TV, Veranstaltungen & Ausstellungen
Radijo Kaktus / WEBRADIO oe1campus
23.5.2009, 20:30 orenge
O 80-berschengero familijakero schero la familijatar Stojka naschtig uso mulatintschago alo, savo leske uso pativ ando Barankapark kerdo ulo, kaj leskero sastipe nan igen latscho. O keraschi le mulatintschagostar hi o tschau Harri Stojka. Le Mongo Stojka te patijarel resle pumen i familija, pajtaschtscha taj avre dschene, pedar leste te vakerel, andar leskere litararitike verktscha te genel taj muschika leske te kerel.
Harri Stojka, Melinda Stoika, Mosa Šišic, Ruzsa Nikolić-Lakatos taj Tibor Barkoczy upre cidine. Nuna Stojka taj Marion Dvorak gende leskere tekstscha andi romani taj andi nimtschki tschib. „Die Hellerwiese-Barankapark“ hi jek falato la pobisterda historijatar Betschistar. O than sina deschberschengero o nugodinipeskero- taj terdschojipeskero than le Betschitike Romendar.
Ando bersch 1942 o cile manuscha, save odoj dschivnahi, bejg ledschim ule. O Mongo Stojko jek le tschulendar hi, savo oja cajt prik dschivtscha. Leskeri baba Baranka na ali buter pal. 1999 o Mongo Stojka ando pativ la Barankake jek kestajin aun tschitscha. Jek gondolipeskeri tablina upro keripe le Mongo taj la Ceija Stojkatar upre terdschardi uli. Keraschkija Charlotte Müller-Neumayer farajniskeri vakeraschkija la organisacijonatar „Kulturraum 10 Favoriten“ phentscha, hot lake ada igen barikano hi i gondolipeskeri tablina, savi ande ada park upre terdschardi uli, ando pativ te likerel.
